قصيدة عن الام
لا قلت يمه حنان الاسم يكفيني
وشلون ضمت يدينك يا بعد رأسي...
يمه يا يمه دخيلك لا تخليني
محتاج قربك وحضنك يا بعد ناسي...
محتاج عطفك دخيل الله ضميني
لا تتركيني لدنيا قلبها قاسي....
يا الغالية بشوق جيتك لا ترديني
جيتك وخطوات رجلي تسبق أنفاسي..
محتاج لك حيل ومحتاجك تلميني
من قسوة الوقت ومن تعذيبه القاسي...
أبي بعيونك عن أحزاني تشيليني
وأبي بحضنك أفارق هم وسواسي...
وأبي حنانك وكلماتك تغطيني
من مقدم الرجل لين أخر شعر رأسي...
وأبي أحس بشعور ٍ منك يكسيني
عطف ومحبه وحنان ٍ دون مقياسي...
يمه كبرت وكبر هم الزمن فيني
ومن لوعة الوقت قلبي عايش يقاسى...
محتاج حضنك أمانه لا تلوميني
محتاج أعاود طفولة كلها أوناسي...
برّجع الوقت وانسي اللي معنيني
يومي صغير وحنانك مالي كاسي...
يمه ذكرت الزمان الماضي بعيني
ماضي الطفولة السعيدة وروعة إحساسي...
كم كنت أضمك وكم مره حضنتيني
وكم نام راسي على صدرك وهو ناسي...
وكم كنتي تبكين من فكر يبكيني
وكانت عيونك فداك القلب حراسي...
وكم كانت مناك دايم بس تشوفيني
أحلى وأنظف " بنيه " بين جلاســي...
وياما وياما سهرتي لي تواسيني
لأونست ضيقه وزار الهم مجلاسـي...
وكم كان حضنك عن الخلان يغنيني
وكم كان عشقك لفرحي ماله قياسي...
الله يا ذاك الزمان شقد يحيـيني
ليته يعود وتعود أفراح و أماسي...
يا ليتني ما كبرت ولا قسى ليني
وبقيت طفلٍ همومه لعب وأكياسي...
يا لغالية جيت لك شوقي يقديني
كبير لكن بقربك يصغر إحساسي...
يمه يا يمه أنا بنيتك تحبيني
أدري وربي ولكن بقهره يــأسي...
بحطم الحزن فيني وأقهر سنيني
وبقول للهم "يا قلب العني" ناسي...
بنسى عذابي بحضنك لا تهديني
من بعد حضنك يزيد الهم هواجسي...
لا تتركيني وضمي يديك ليديني
لمسة كفوفك تبدد قسوة إتعاسي...
أبي أعاند زماني وظلمه الشيني
وأبي بقربك أرده عني الخاسـي...
يا أعز ناسي ويأكل الكون في عيني
يا ملهمتـني المحبة وصيت نومــاسي...
يفداك عمري وروحي وكل مغليني
ويفداك كلي وأنا من رأسي لساسي...
يا أغلى غرام ربى داخل شراييني
ويا أعذب شعور ٍ سكني ويا أجمل إحساسي...
أنتظر الردود ياحلوات
